Caspian News, Атырау.
«Жусан-2» кең ауқымды гуманитарлық арнайы операциясының аяқталғанына екі айдай уақыт өтті. Оның қорытындысы бойынша Сириядан Қазақстанға келген 230-дан астам адамның дені әйелдер мен балалар, арасында атыраулықтар да бар. Балжан Әбдірахманова Сирияға 2013 жылы кетіпті. Бұған дейін Мысырда білім алған ол күйеуінің шақыртуымен қарулы қақтығыс болып жатқан аймаққа аттанған. Өзінің адасқанын арада 4 жыл өткенде ғана түсініпті. Қазіргі уақытта келіншекке «Шапағат» деструктивтік діни ағымдардан зардап шеккендерге көмек көрсету орталығының психологтары мен теологтары көмек көрсетуде.