Атырауда балықтың жаппай қырылу дерегі бойынша Жайық өзенін зерттеу жұмыстары жалғасуда. Бұл бойынша облыстық әкімдікте ведомствоаралық комиссияның жиыны өткен болатын. Ондағылардың айтуынша, бүгінгі таңда өлген балықтардың 110 данасы жиналып алынған, ал өзгелері ауыр халде көрінеді. Бірақ, судағы тіршілік иелернің бір мезетте неден ауырғандығы туралы ақпарат айтылмай отыр. Қоғамдық денсаулық сақтау департаменті өкілдерінің айтуынша, зертханалық зерттеулер жүргізілген, су құрамы таза, адамдардың өміріне қауіп жоқ.