Балық өліміне қатысты «Атырау жылу электр орталығында» тексеріс аяқталғанымен эколог мамандар оның нәтижесін құпияда ұстап отыр. Тергеп-тексеру амалдары қаңтардың 10-ы басталып 1 аптаға созылған болатын. Дәл осындай тергеу амалдары бұған дейін «Атырау су арнасында» да жүргізіліп, тексеріс қорытындысы бұқаралық ақпарат құралдарына лезде таратылды. Ал, «Атырау жылу электр орталығындағы» тексеріс толық аяқталғанымен, не себепті екені белгісіз экологтар оның нәтижелеріне қатысты ақпаратты жариялауды жөн көрмей, Ішкі істер органдарына тапсырған.