Мемлекеттік сатып алу заңнамасына жаңа өзгерістер енгізілді. Енді бір ғана жерден сатып алудың шекті сомасы 100-ден 500 айлық есептік көрсеткішке дейін өседі. Яғни, емхана-балабақша секілді әлеуметтік маңызы бар мекемелер қажетті жұмыстарын тендер жарияламай-ақ, бір көзден ала алады. Сондай-ақ, бұл маңыздылығы аз жұмыстар бойынша сатып алу рәсімдерін айтарлықтай жеңілдететін көрінеді. Одан бөлек, баға ұсыныстарын сұрату кезінде тапсырыс берушілерге тауарлардың фирмалық атауларын көрсету құқығы берілді. Бұл өз кезегінде сапалы тауарларды сатып алуға мүмкіндік бермек.
Алдыңғы