Атырауда әлеуметтік маңызы бар азық-түліктердің бағасын тұрақтандыру жұмысы қарқынды жүруде. Мұны «Атырау» ӘКК-ның өкілдері айтып отыр. Олардың сөзінше, биыл қараша айында тұрақтандыру қорына 5667 тонна көкөніс өнімі жеткізілу керек. Бұл облысты арзан бағадағы пияз, қырыққабат, сәбіз және картоппен келер жылдың сәуір айына дейін қамтамасыз етуге мүмкіндік береді. Ал қалған 14 әлеуметтік маңызы бар азық-түлік Лидер және Идеал супермаркеттерінде сатылады. Оларға айналым қаражатын толықтыру үшін қайтарымды қарыз берілген. Қазір тауарлар нарықтағы бағадан 20 пайызға төмен құнмен сатылуда.
ТҰРАҚТАНДЫРУ ҚОРЫНА 6 МЫҢ ТОННАҒА ЖУЫҚ КӨКӨНІС ӘКЕЛІНЕДІ
