Шенеуніктер шайлығар емес! «Жемқорлыққа жол берілмейді, пара алмаймыз» деп жарияға жар салғанымен жергілікті мемлекеттік қызметшілердің дәл осы жағынан ұятты болып тұрған жайы бар. Өйткені, олардың қатысуымен жыл басынан бері 30-дан астам жемқорлық сипаттағы қылмыс жасалған. Бірақ, олардың бәрі емес, тек 13 лауазымды тұлға жауапкершілікке тартылып, 10-ы сотталған. Бұл туралы «Шенеуніктердің қатысуымен жасалған қылмыстық істердің себебі» туралы қала, аудан, облыстық басқарма басшыларымен өткізілген жиында айтылды. Баяндамашыларға сенсек, мемлекеттік қызметкерлердің жемқорлыққа жол бермеуінің алдын алу мақсатында «Парасыз – болашаққа бірге!» деп аталатын мобильді жоба іске қосылған. Оның көмегімен 40 мыңға жуық адамды қамтитын 320 ұжымға үгіт-насихат жұмысы жүргізіліпті.
Марат БЕКСҰЛТАНҰЛЫ, мемлекеттік қызметкер:
Бүгінгі шара маңызды деп есептеймін. Себебі, сыбайлас жемқорлықтың індет екендігі айтылды. Осындай отырыстар молынан болатын болса, мемлекеттік қызметкердің ойына ой салады деп ойлаймын. Сыбайлас жемқорлыққа жұмыс қарқынды жүруде.
КСМ: Айта кетейік, еліміздегі жемқор шенеуніктер Қазақстанның қазынасын 3 миллиард 180 миллион теңгеге шығынға батырыпты. Дегенмен, бұл соманың 3 миллиардтан астамы өндіріліп алынған көрінеді.