Caspian News, 4 тамыз. Соңғы 3 жылда Атыраудағы жоғары оқу орындарында (ЖОО) мемлекеттік бюджет есебінен 1 489 адам оқып шығып, жас мамандар қатарын толықтырды. Алайда олардың 269-ы заңда белгіленген грантты өтеу міндеттемесін орындамаған.
«Қаржы орталығы» АҚ-ның мәліметінше, қарызын өтемеген түлектерге қатысты тиісті заңды шаралар қолданылуда:
-
260 іс бойынша: Сотқа дейінгі талап-арыз қою жұмыстары жүргізіліп жатыр;
-
3 түлекке қатысты: Азаматтық іс қозғалды;
-
6 түлекке қатысты: Сот шешімі шығып, олар оқытуға жұмсалған бюджеттік шығын мен айыппұлды өтеуге міндеттелді.
💼 ГРАНТТЫ ӨТЕУ ТАЛАПТАРЫ ЖӘНЕ ЖҰМЫСҚА ОРНАЛАСУ
Мемлекеттік грантпен оқыған түлектер оқуды тәмамдаған жылы қыркүйек айына дейін ресми жұмысқа орналасып, бұл туралы «Қаржы орталығын» құлағдар етуі тиіс.
-
Егер жұмыс табылмаса: Түлек тұрғылықты жері бойынша Мансап орталығына жүгініп, ресми түрде жұмыссыз ретінде тіркелуі қажет.
-
Міндеттемесін өтеп жатқандар: 2023 жылдан бері Атыраудағы университеттерді бітірген 882 адам жұмысқа орналасып, грантты өтеп жүрсе, 8 адам мемлекет алдындағы міндеттемесін толық орындаған.
🛡️ КІМДЕР ГРАНТТЫ ӨТЕУДЕН БОСАТЫЛАДЫ?
Заңнамаға сәйкес, мына санаттағы азаматтар мемлекеттік грантты өтеу міндетінен босатылады:
-
І және ІІ топтағы мүгедектігі бар азаматтар;
-
Жүкті әйелдер;
-
3 жасқа дейінгі баласы бар ата-аналар (анасы немесе әкесі);
-
Оқуын әрі қарай мемлекеттік бюджет есебінен (магистратура, резидентура ж.т.б.) жалғастырған түлектер.