Caspian News, 5 тамыз. Ұлттық банктің базалық мөлшерлемені 17%-дан 16,75%-ға дейін төмендету туралы кезекті шешімінен кейін екінші деңгейлі банктер депозиттік саясатын қайта қарай бастады.
Нарықтағы ағымдағы жағдайға Qazaq Expert Club сарапшысы, қаржыгер және EconomIQ Telegram-арнасының авторы Венера Жаналина баға берді.
🏛️ Банктердің реакциясы мен Halyk Bank мысалы
Ұлттық банк шешімінен кейін әзірге жаңа шарттарды ресми түрде тек жекелеген банктер ғана жариялап үлгерді. Өзгерістердің алғашқы толқыны Halyk Bank депозитарлық өнімдерінде айқын көрініс тапты.
Банк өзінің QORJIN депозиті бойынша жылдық тиімді сыйақы мөлшерлемесін (ЖТСМ) мерзіміне қарай әртүрлі бағытта өзгертті:
-
📉 3 айлық мерзім: ЖТСМ 19,50%-дан 18,51%-ға дейін төмендеді;
-
📉 6 айлық мерзім: ЖТСМ 17%-дан 16,50%-ға дойін төмендеді;
-
📈 12 айлық мерзім: ЖТСМ, керісінше, 15,05%-дан 15,50%-ға дейін өсті.
💡 Сарапшылар не дейді?
Сарапшылардың пікірінше, қысқа мерзімді депозиттер бойынша мөлшерлемелердің төмендеуі Ұлттық банктің ақша-кредит саясатының жұмсаруымен тікелей байланысты. Ал ұзақ мерзімді (12 айлық) салымдар бойынша бағаның өсуі банктердің клиенттерді ұзақ мерзімге тартуға және ресурстық базаның тұрақтылығын қамтамасыз етуге ұмтылысын көрсетеді.
Жақын арада өзге де екінші деңгейлі банктер өздерінің салымдар бойынша пайыздық мөлшерлемелерін қайта қарайды деп күтілуде.