Caspian News, 14 тамыз. Қазақстан Оңтүстік Кореяның Жұмысқа орналасуға рұқсат беру жүйесіне (EPS — Employment Permit System) 18-ші қатысушы мемлекет болып енді.
Бұл туралы ҚР Еңбек және халықты әлеуметтік қорғау министрлігі хабарлады. Келісім қазақстандықтарға Оңтүстік Кореяда заңды түрде еңбек етуге, әлеуметтік және құқықтық тұрғыдан толық қорғалуға мүмкіндік береді.
🗓️ Жүйенің іске қосылу мерзімі мен дайындық жұмыстары
Қазақстандық жумысшыларды тарту 2028 жылдан бастап жоспарланып отыр. Оған дейін екі ел арасында мынадай ұйымдастыру шаралары жүзеге асырылады:
-
EPS-TOPIK орталығы: Елімізде корей тілі бойынша арнайы тестілеуден өтетін ресми EPS-TOPIK орталығы құрылады.
-
Тілдік талап: Оңтүстік Кореяда заңды түрде жұмысқа орналасу үшін азаматтар корей тілі бойынша міндетті емтихан тапсыруы тиіс.
-
Ұйымдастыру процесі: Жүйені толық іске қосу үшін барлық институционалдық және заңнамалық процедуралар аяқталады.