Caspian News, 14 тамыз. ҚР Экология және табиғи ресурстар министрлігі үй жануарларын ұстау қағидаларына өзгерістер енгізу туралы тиісті бұйрыққа қол қойды.
Енді үй жануарынан бас тарту немесе оны көшеге тастап кету иесін заңды жауапкершілік пен қаржылық міндеттемелерден босатпайды.
📌 Жаңа ережелердің негізгі талаптары
-
Жануарды беру міндеті: Егер иесі үй жануарын одан әрі ұстай алмаса, оны панажайға (приют), уақытша ұстау пунктіне, басқа жеке тұлғаға немесе ұйымға ресми түрде тапсыруға міндетті.
-
Төлем төлеу жауапкершілігі: Жануардан жай ғана бас тарту иесінің міндеттерін тоқтатпайды. Егер үй жануары уақытша ұстау пунктіне тапсырылса, иесі оның ары қарайғы тағдыры шешілгенге дейін (жаңа иесі табылғанша немесе панажайға ауыстырылғанша) күтіп-бағу шығындарын өз қалтасынан төлеуге міндетті.
🗓️ Күшіне ену мерзімі
Бұйрық алғашқы ресми жарияланған күнінен кейін күнтізбелік 10 күн өткен соң ресми түрде күшіне енеді.