«Жердің кезегінде тұрғандарға жер емес, ипотекалық пәтер беру керек». Мұндай ұсынысты мәслихат сессиясының отырысында қала әкімі Мейірім Қалауи айтты. Оның сөзінше, қала маңындағы елді мекендердің аумағын үлкейте бергенше, шахар орталығындағы ескі үйлерді сүріп, оның орнына көпқабатты тұрғын үй салған тиімді. Сессияда көтерілген тағы бір тақырып – канализация жүйесі. Қазіргі уақытта қаладағы кәріз сорғы станцияларының тең жартысы апаттық жағдайда тұр. Жалпы ұзындығы 40 шақырым болатын коллектор да әбден тозған. Қала басшылары жергілікті бюджеттен қаржы бөліп, әзірге оның 12 шақырымын ғана жөндемек.
Толығырақ https://fb.watch/laQppiH1sL/