Әуелі жаңбыр мен еріген қар суымен алысқан коммуналдық жұмысшылар қазір қала көшелерін сірескен мұздан тазалап жатыр. Бұл шаруаны атқару үшін 30 шақты техника пайдаланылуда.
«Арнаулы автобаза» ЖШС басшысы Алмас Ізтілеуовтың сөзінше 5 ақпаннан бері қаладан 45 мың текше метр жаңбыр суы, 38 мың текше метр қар-мұз шығарылыпты. Басшының айтқанына сенсек, облыс орталығындағы көшелердің 90 пайызы тазартылған.