Атырау, Caspian News.
Қыруар ақша желге ұшты. Индер ауданының орталығы Индербор кентінің ішіне жаяу жүргіншілерге арналып төселген төсемтастың қазір тұрғындар үшін пайдасынан зияны көп болып тұр. Себебі суық күнде төселген төсемтас бір-бірінен ажырап, жүріп-тұруға қиындық келтіріп тұрған көрінеді. Өйткені, жол төсеу жұмыстары қарашада басталыпты. Оған мердігер компанияның анықталып болмауы және құрылыс материалдарының дер кезінде жеткізілмеуі себеп болған. Дегенмен, бірнеше мердігердің ішінен таңдалынған компания жұмысын жөнді жасамапты.