Атырау, Caspian News.
№2-ші Атырау қалалық сотында жаппай балық өліміне қатысты сот процесі басталды. Тергеу материалдары бойынша, «Атырау су арнасы» мекемесі Жайық өзеніне құрамында хлоры шектен тыс көп сарқынды су жіберген. Айыпталушылар орындығында «Атырау су арнасы» коммуналдық мекемесінің қызметкерлері. Яғни, мекеменің бұрынғы директоры Руслан Құрметов, оның орынбасары Виктор Сущенко және су тазарту станциясының бастығы Михаил Чурсин. Оларға ҚР ҚК-нің «Қоршаған ортаға аса ірі залал келтіруге әкелген жерүсті суларын ластау», «аса ірі залал келтірген бөтеннің мүлкін абайсызда жою» баптары, ал кәсіпорынның экс-басшысы Руслан Құрметовке «салғырттық» бабы бойынша да айып тағылған.