Атырау, Caspian News.
Атырау халықаралық әуежайында болған оқыс оқиғаға байланысты қылмыстық іс қозғалды. Бұл жөнінде еліміздің Ішкі істер министрлігіне қарасты Көліктегі полиция департаменті басшысының орынбасары Марат Әлкенов хабарлады. Келеңсіз жағдайға байланысты қазір кінәлі деп табылған полиция қызметкері жұмыстан босатылған. Одан бөлек әуежайдағы желілік полиция бөлімі жетекшісі мен көліктегі полиция бөлімі басшысының екі орынбасары да қызметтерінен кетті. Ал зардап шеккен келіншектің жағдайы қазір жаман емес көрінеді.