Ақ үй басшысы Дональд Трамп Құрама Штаттарда дүниеге келгендерге бірден азаматтық беру құқығын алып тастауы әбден мүмкін. Ол үшін конституцияға өзгеріс енгізудің де қажеттілігі жоқ, президент жарлыққа қол қойса болғаны.
Трамптың айтуынша, қазір оның әкімшілігі осыған қатысты қаулыны қарастырып жатыр. Көші-қон саясатын қатаңдату мен елге ағылған мигранттар санын азайту — Трамптың сайлауалды уәделерінің бірі.
Айта кеткен жөн, қазір шет елдік әйелдер АҚШ-қа барып босанады. Ондағы мақсат — баласына Құрама Штаттар азаматтығын алып беру.
Дереккөз: 24.kz