Көлік жүргізушілері үшін жақсы жаңалық. Атырауда алғаш рет «Total» компаниясының қызмет көрсету орталығы ашылды. «Isker» компаниясымен бірлесе ашылған нысан көлік жүргізушілері үшін бірнеше қызмет түрін ұсынады. Көлікке қажетті құралдар мен бөлшектерден бөлек, көлік жөндеу тұрағы да бар. Оның бір ерекшелігі — мұнда кез-келген маркілі жеңіл көліктермен қоса ауыр жүк машиналары да жөнделеді. Атырау нарығына енді енген халықаралық бренд тұрғындардың да қызығушылығын тудырып үлгерді.