Талғайраңдағы 24 көпқабатты үйдің құрылысы жыл аяғында бітуі тиіс. Қазір жұмыстың 80-90 пайызы жасалған. Қалалық құрылыс бөлімінің мамандары осылай деп отыр. Осыдан 5 жыл бұрын басталған құрылыстың аяқталуын 1 мыңнан астам отбасы күтіп жүр. Себебі пәтерлер мемлекеттік бағдарламалар бойынша, ипотекалық несие негізінде, сондай-ақ, жалға берілетін тұрғын үй түрінде тапсырылады.
