Caspian News, 19 қараша. Түркістан облысының Жетісай ауданы, Алғабас ауылында орын алған қайғылы 12 адам қаза тапты. Марқұмдардың тоғызы – бала.
Оқиға орнында жүргізілген тексеріс нәтижесінде өрттің шығу себебі анықталды. Түркістан облысы ТЖД бастығының бірінші орынбасары Думан Қыдырмоллаевтың мәліметінше, өрт ақаулы сетевой фильтрден басталған.
Өрт сөндірушілер оқиға орнына 8 минутта жетті
Алғабас ауылында өрт сөндіру бөлімшесі жоқ. Төтенше жағдай туралы хабар түскен бойда құтқарушылар Жетісай қаласынан шығып, ауылға 8 минут ішінде жеткен.
Аман қалған үш адамның жағдайы
Өрттен аман қалған үш адам – 18 жастағы қыз, бір әйел және бір ер адам – ауыр халде ауруханаға жеткізілген.
Дәрігерлердің айтуынша, олардың денесі 11–12%-дан 30%-ға дейін күйген. Барлығы жан сақтау бөлімінде.
Денсаулық сақтау министрлігі көмек жіберді
ҚР Денсаулық сақтау вице-министрі Тимур Сұлтанғазиев жағдайға қатысты мәлімет берді. Оның айтуынша:
-
Түркістан және Шымкент қалаларынан санавиация арқылы қосымша 5 дәрігер жіберілді;
-
Олардың қатарында токсикологтар, ересектер және балалар реаниматологтары бар;
-
Науқастар қажетті дәрі-дәрмекпен толық қамтамасыз етілген;
-
Жағдайлары тұрақтанған бойда пациенттерді Шымкентке немесе Астанаға ауыстыру мәселесі қаралады.