Қазақстанда тұмауға қарсы екпе егу басталды. Бүгінде Атырау облысына 65 мың доза «Гриппол» вакцинасы бөлінген. Олар 3 кезеңмен жеткізіледі. Қазірде 22 мың данасы келген. Тұмауға қарсы екпе медицина қызметкерлеріне, диспансерлік есепте тұрған кісілерге, жасы 6 айдан асқан әрі жиі ауыратын балаларға, жүрек-қан тамыр жүйесі мен тыныс алу органдарының созылмалы аурулары бар адамдарға жоспарлы түрде салынуда. Вакцина тұмау вирустарынан қорғануға көмектеседі және аурудың жеңіл өтуіне сеп болады, дейді мамандар. Олардың айтуынша, екпе 18-64 жас аралығындағы адамдардың шамамен 60 пайызының тұмау жұқтыруының алдын алады.
ТҰМАУҒА ҚАРСЫ ЕКПЕ ЕГУ БАСТАЛДЫ
