Ақтау қалалық сотының төрағасы ұсталған кездегі видео тарады. Онда бір жігіттің көліктің ішінен рюкзак алып, оны басқа машинаның салонына тастап жатқанын көруге болады. Сәлден соң ол рюкзакты бір азамат Ақтау қалалық сотының төрағасының қолына ұстатады. Ал сөмкені қолына ұстап, алаңсыз келе жатқан судья ғимаратқа кіреберісте ұсталған. Қолда бар мәліметке қарағанда Ақтаудың нөмірі бірінші биі сотталушыға «басқа үкім шығарамын» деп уәде етіп, ол еңбегін 18 млн теңгеге бағалапты. Қомақты қаржыны істі болып жатқан азаматтың сенімді өкілі әкеліп берген екен. Түйені түгімен жұтамын деген судьяның жоспарының жүзеге асуына антикорлықтар және жоғарғы соттың өзіндік қауіпсіздік қызметі кедергі келтірді.
СОТ ТӨРАҒАСЫ ҰСТАЛҒАН КЕЗДЕГІ ВИДЕО ТАРАДЫ
