Атырау, Caspian News.
Қала маңындағы «Зарослый» елдімекенінің тұрғындары ұрылардың кесірінен электр жарығына зар болып отыр. Осындағы 100 шақты отбасының аманатын арқалап шыққан мына топтың айтуынша, олар бастарында үйі бола тұра, қаладан пәтер жалдауға мәжбүр. Өйткені, инфрақұрылым атымен жоқ. Атқан оқтай түп-түзу болып тартылған электр желілері мұнда да өркениет бар екендігін білдірген секілді болған. Бірақ, бір кездері. Өкінішке қарай, оны да әлдекімдер кесіп алып кетіпті. Енді қазір халықтың жарықсыз отырған жайы бар.