Наурыз мерекесіне орай «Жолаушылар тасымалы» АҚ пойыздар мен вагондар санын арттыруды жоспарлап отыр. «Қазақстан темір жолы» ұлттық компаниясының баспасөз қызметі таратқан мәліметке сүйенсек, жолға қосымша 3 пойыз шығады және қосымша 237 вагон тіркеледі. Нақты айтқанда нөмірі 47-48-ші Атырау-Астана бағытындағы пойызға 21-23 наурыз аралығында, нөмірі 313-314-ші Маңғыстау-Атырау пойызына 20-23 наурыз аралығында және нөмірі 692-691-ші Ақтөбе-Атырау бағытындағы жолаушылар пойызына 20-25 наурыз аралығында қосымша вагондар тіркеледі. Қосымша ақпаратты «1433» нөмірлі колл орталыққа телефон шалып білуге болады. Қоңырау шалу тегін. Және де «KTZH_PP_BOT» telegram-боты немесе jolaushylar_tasymaly АҚ-ның инстаграмдағы ресми парақшасынан біле аласыздар.