Атырауда көп қабатты үй тұрғындары жаз келмей жатып, маса мазаны алды, — дейді.
Айтуларынша, суға толы жертөленің кесірінен, қансорғыш жәндіктер тым көбейіп кеткен.
Әсіресе, балаларға қиын,- дейді аналар. Химиялық қорғаныш құралдарын қолдану сәбиге зиянын тигізе ме,- деп алаңдайды.
Алайда аймақта масамен күрес жұмысы әлі басталған жоқ. Әзірге тендер өтуде. Жеңімпаз компания тек үш ай қызмет көрсетеді. Оған 65 млн теңге қаражат бөлінді,- дейді коммуналдық шаруашылық бөліміндегілер.
Қалған жарты жылдыққа тендер қайта жарияланады. Басшылардың тапсырмасы сол. Ал масаға таланған тұрғындар қансорғышты жою жұмыстарының үздіксіз жүргізілуін талап етіп отыр.