Махамбет аудандық сотының судьясы 2,5 миллион теңге пара алып жатқан жерінен ұсталды. Бұл туралы ҚР жоғарғы сотының баспасөз қызметі хабарлады.
Ресми ақпаратқа сүйенсек, осы жылдың 10-қаңтарында судьяға қатысты қылмыстық кодекстің 190-шы бабы, яғни алаяқтық фактісі бойынша материал сотқа дейінгі тергеп-тексерудің тізіміне тіркелген.
Бірнеше күннен кейін Ұлттық қауіпсіздік комитетінің Атыраудағы қызметкерлері Сот әкімшілігі департаментінің ішкі қауіпсіздік бөлімімен бірлесіп, күдіктіні ұстады.