Маңғыстауда үлкендігі жағынан әлемде бесінші орын алатын жасыл сутегі өндіретін зауыт салынбақ. Нысан Қарақия ауданында бой көтереді. Ақтаудағы Қазақ-неміс тұрақты инженерия институтының қабырғасында осы тақырыпта халықаралық конференция өтті. Онда жергілікті және неміс ғалымдары қажетті шикізатты сақтау мен тасымалдау мәселесін талқылады. Жасыл сутегін өндіру технологиясы әртүрлі. Мамандар соның арасында өнімді ұзақ сақтауға мүмкіндік беретінін таңдап алмақ.