Атырау, Caspian News.
«Ұлы дала» саябағы салынады. Бірақ, Атырау жерінде емес, Түркістан облысында. Бұл туралы облыстық құрылыс басқармасының басшысы Мәлік Аманов хабарлады.
Оның айтуынша, аталған жобаның жобалық-сметалық құжаттамалары жасақталып, Түркістан облысынан 5 700 шаршы метр жер учаскесі бөлініп қойыпты. Ал, құрылыс жұмыстарына бөлінетін қаржы туралы сауалды шенеунік жауапсыз қалдырды. Бұдан өзге Мәлік Аманов орталықтағы Исатай-Махамбет атындағы алаңда және қалалық әкімдік жанындағы жағалауда салынып жатқан саябақ құрылысы туралы да айтты.