Атырауда «Рәміздер» алаңында мемлекеттік туды көтеру рәсімі жасалды. Іс-шара 2009 жылы еліміздегі ұлттық мереке күндері тізімінен түсіп қалып, былтыр қайта енгізілген республика күніне орайластырылған. Тәуелсіздіктің бастауы болған құжат немесе Қазақ Кеңестік Социалистік Республикасының мемлекеттік егемендігі туралы декларация сонау 1990 жылдың 25 қазанында қабылданған еді. Тәуелсіздіктің тұмарына айналған рәміздердің қүндылығына ерекше тоқталған аймақ басшысы Серік Шәпкенов жерлестерін атаулы күнмен құттықтады.