Caspian News, 13 тамыз. ҚР Туризм және спорт министрлігі спорт саласын реформалаудың алғашқы оң нәтижелерін қорытындылады.
Басты жаңалық — мемлекеттік қаржыны тиімді пайдалану арқылы миллиондаған қаражат легионерлерден отандық балалар спорты мен жаттықтырушыларды қолдауға бағытталды.
💰 Бюджетті үнемдеу және легионерлер
-
8 миллиард теңгеден астам бюджет қаражаты үнемделді.
-
Себебі: Кәсіби спорт клубтарын қаржыландыруға арнайы лимит енгізіліп, шетелдік легионерлерді мемлекеттік бюджет есебінен қаржыландырудан ресми түрде бас тартылды.
👧🧒 Балалар спортын қаржыландыру екі есеге жуық өсті
Шетелдік спортшылардан босаған қаражат тікелей бұқаралық және балалар спортына бағытталды:
-
Спорт мектептеріндегі бір тәрбиеленушіге арналған жылдық қаржыландыру көлемі 233 мың теңгеден 415 мың теңгеге дейін ұлғайтылды.
🥊 Жаттықтырушылардың жалақысы мен біліктілігі
-
Жалақы өсімі: Спорт мектептерінің жаттықтырушы-оқытушыларының еңбекақысын кезең-кезеңімен арттыру басталды — жалақы 30%-ға өсті.
-
Тестілеу: Қазіргі таңда біліктілігін растап, тиісті үстемеақы алу үшін 3 511 жаттықтырушы-оқытушы тестілеуден өтті.