Атырау, Caspian News.
:Республикалық ономастикалық комиссия қаладағы Қаныш Сәтпаев атындағы даңғылды Нұрсұлтан Назарбаевтың есімімен ауыстыру туралы мәслихат депутаттарының шешімін қолдамады. Яғни, ұзындығы екі жарым шақырымға жуықтайтын, қазақтан шыққан тұңғыш академиктің есімін иеленген даңғыл бұрынғысынша атала беретін болды. Комиссия мүшелері, сондай-ақ, Ақтөбе, Қостанай, Тараздың орталық көшелерін елбасының атына өзгертуге де рұқсат бермеді. Бірақ, Нұрсұлтан Назарбаевтың құрметіне облыс орталықтарынан өзге нысандар мен көшелерді анықтап, қайта қарауды ұсынғанын ескерте кетейік.
г