Исатайлық көпбалалы ана баспаналы болды. Мұндай қайырымды істің жасалуына елімізге танымал блогерлердің бірі себепші болыпты. Әлеуметтік желінің белсендісі Эльмира Ешниязова инстраграм желісі арқылы асарлатып, үш миллионнан астам қаржы жинапты. Осылайша, көптің көмегімен Исатай ауданының орталығы Аққыстау ауылынан баспана сатып алынды. Игі істің басы-қасында жүргендер мен жергілікті басшылар Нәзира Тілекқабыловаға жаңа пәтерінің кілтін салтанатты түрде табыстады.