«Ембімұнайгаз» АҚ-да жыл сайынғы дәстүрлі салтанатты шара өтіп, жыл үздіктерінің есімдері белгілі болды. Махамбет атындағы Атырау облыстық драма театрында өткен «Жыл үздігі» салтанатты шарасына компания басшылығы мен өндірістік-құрылымдық бөлімшелердің және орталық басқару аппаратының ұжымы қатысты. Мерекелік жиында 2024 жылы өндіріс көрсеткішін орындау барысында кәсібилігімен көзге түскен қызметкерлер марапатталды. 18 қызметкер 6 номинация бойынша жылдың үздігі атанып, оларға арнайы статуэтка, диплом және бағалы сыйлықтар табыс етілді.