Атырауда жастар үшін бос жұмыс орындарының жәрмеңкесі өтпек. Бұл шара «Жастар еңбек биржасы» жобасы аясында қолға алынып отыр. Ұйымдастырушы — «Жастар ресурстық орталығы» жәрмеңкені осымен биыл төртінші мәрте өткізіп отыр. Бұл – жұмыссыз жастардың облыс аумағындағы ірілі-ұсақты түрлі саладағы компания өкілдерімен тікелей кездесіп, тілдесулеріне жақсы мүмкіндік болмақ. Жәрмеңке 5-ші қазан күні сағат 10-да басталады.
СЕРІК ҚАДЫРОВ, «Жастар ресурстық орталығының» директоры:
— Шара Нұрсаяда орналасқан АПЕК жоғары колледжінің базасында өтеді. Ірілі-ұсақты компаниялар 256 бос жұмыс орынымен қатысады. Жылдың басында өткен еңбек биржасына 2000 жуық жұмыс іздеуші жастар қатысты. Бізде алдын ала тіркелу жоқ. Кез-келген қатысушыға есік ашық. Ірі компаниялардың бос жұмыс орындары жарияланатын болады. Өз бақтарыңызды сынап көріңіздер!