Атырау, Caspian News.
Атырауда «Бекіре-2019» балық қорғау акциясы басталды. Атырау, Маңғыстау және Батыс Қазақстан облыстарында бағалы балық түрлерінің уылдырық шашу кезеңінде өткізілетін жыл сайынғы шара мамырдың 31-не дейін жалғасады. Акция аясында браконьерлік деректері болуы мүмкін жерлерде стационарлық және жылжымалы бекеттер қойылып, сондай-ақ, мобильді рейдтік топтар жасақталған. Биыл негізгі күшті Каспий теңізінің Жайық өзеніне құятын сағасы мен Исатай ауданына жұмылдыру көзделіп отыр. Жалпы, шара кезінде 16 бекет қойылып, 500-ден астам адам қызмет ететін болады.