Атырау, Caspian News.
Атырауда қызметтік міндетін атқару кезінде қаза тапқан полиция қызметкерлерінің құрметіне мемориалды ескерткіш тақта ашылды. Олардың қатарында 1993 жылы қылмыскерлерді ұстау кезінде қаза тапқан полиция аға лейтенанты Асқар Бисекенов, 2009 жылы мас жүргізушіні тоқтатамын деп, оның көлігінің астына түсіп, қайтыс болған Нұрберген Өтемісов және биылғы жылдың наурыз айында Жайық өзеніне секірген әйелді құтқарамын деп өз өмірін қиған Шалқар Ақымғалиев бар.