Caspian News, 22 шілде. Астанада жасанды интеллект саласын дамытуға бағытталған «Жасанды интеллект саласындағы ұлттық инновациялық және тұрақты цифрлық, аппараттық инфрақұрылым мен шешімдер» атты жаңа жобаның таныстырылымы өтті.
Шараға ғылыми қауымдастық өкілдері, сарапшылар, ІТ мамандары, сондай-ақ министрліктер мен ұлттық компаниялардың өкілдері қатысты. Жоба мемлекеттік басқару мен бизнеске AI технологияларын кеңінен енгізуге, заманауи есептеу инфрақұрылымын құруға бағытталған.
Президент Қасым-Жомарт Тоқаев бұған дейін жасанды интеллектті жаһандық дамудың басты қозғаушы күші ретінде атап, елімізде халықаралық деңгейдегі цифрлық инфрақұрылым қалыптастыру мен жоғары білікті мамандар даярлауды тапсырған болатын.
🇹🇷 🤝 Түркиямен серіктестік және озық тәжірибе
Жоба аясында Түркиядан арнайы келген мамандар соңғы 20 жылда қорғаныс және жоғары технологиялар саласында жинақтаған тәжірибелерімен бөлісіп, Қазақстанмен ынтымақтастық орнатуға дайын екендіктерін білдірді.
🎙️ Ержан ҚАЛМАТАЕВ, Continent Finance қызметкері:
«Бүгінгі жоба аясында Түркиядан келген мамандар өз тәжірибесімен бөлісіп, Қазақстанмен жұмыс істеуге дайын екенін айтуда. Соңғы 20 жылда Түркияның қорғаныс саласындағы технологиясы өте қарқынды дамыды. Барлық министрліктер мен ұлттық компания өкілдері осы озық технологиялармен танысуда».
⚡ 🔋 Басты ерекшелік: Сыртқы электр желісіне тәуелсіз жүйе
Жиында ұсынылған технологиялардың бірі — сыртқы электр көзіне мүлдем тәуелсіз. Әзірлеушілер бұл жүйенің Қазақстанға алғаш рет ұсынылып отырғанын жеткізді.
🎙️ Айдын ГӨКЙГИТ, Бас менеджер:
«Біздің технологияның басты ерекшелігі – сырттан электр энергиясын қажет етпейді. Жүйе электр қуатын өздігінен өндіріп, кез келген жерде орнатылғаннан кейін бірден үздіксіз жұмыс істейді. Сондай-ақ жұмыс істемеген кезде де мемлекетке немесе кәсіпорындарға ешқандай қосымша шығын келтірмейді. Негізгі мақсатымыз – қазақстандық мемлекеттік органдар мен ұйымдардың қажеттіліктеріне сай тиімді шешімдер ұсыну».
📊 AI жобасының негізгі артықшылықтары:
| 📋 Бағыттар мен Мүмкіндіктер | 💡 Негізгі сипаттамасы |
| • Инфрақұрылым | • Ұлттық инновациялық және аппараттық AI жүйесі. |
| • Халықаралық әріптестік | • Түркияның қорғаныс пен ІТ саласындағы 20 жылдық тәжірибесі. |
| • Энергия тиімділігі | • Сыртқы токқа тәуелсіз, электр қуатын өзі өндіреді. |
| • Экономикалық тиімділік | • Тоқтап тұрған уақытта қосымша шығын талап етпейді. |