Атыраулықтар тағы да алданып қалды! Бұл жолы оларды «Гарант-24» деп аталатын ломбард қызметкерлері сан соқтырып кетті.
Олар бүгін ертемен ұйымның кеңсесіне жиналып, ақшаларын қайтаруды талап етті. Зардап шеккендердің сөзінше, алды 3, арты 90 миллион теңгеге дейінгі қаражатты «Гарант-24»-тің мамандарына өз қолдарымен санап берген көрінеді.
Еске салайық, «Нұр Али Капитал» ЖШС салымшылары да күні кеше осындай жүйенің құрбаны болғандықтарын мәлімдеп, шу шығарған еді. Аталған серіктестікке шамамен 200-ден астам адам жинақтарын және үй-жайы мен көліктерін сатып, қаржы салған. Бұл дерек бойынша да қылмыстық і қозғалып, тергеу амалдары жүргізілуде.