Атырау қаласында коронавирус жұқтырған 19-шы адам тіркелді
Қауіпті инфекцияны жұқтырған 35 жастағы Атырау қаласының тұрғыны болып шықты.
Атырау облысы Денсаулық сақтау басқармасының мәліметі бойынша, науқас Қызылқоға ауданының тұрғынымен қарым-қатынаста болған көрінеді. Бұған дейін коронавирус инфекциясы анықталған 28 жастағы келіншектің облыстық ауруханада 2 адамға инфекция жұқтырғандығы анықталған болатын. Ал бүгін оның үшінші адамға да жұқтырғандығы мәлім болды.
Қазіргі уақытта науқас оқшауланып карантинге жатқызылды. Айта кетейік, бұл Атырау облысында Covid-19 инфекциясы анықталған 19-шы жағдай.