АТЫРАУДА ҚҰЙМА БӨЛШЕКТЕР ШЫҒАРАТЫН ЗАУЫТ ҚҰРЫЛЫСЫ БАСТАЛДЫ
Атырауда теміржол вагондарына арналған болат құйма бөлшектер шығаратын зауыт құрылысы басталды. Жоба өңірде ірі индустриялық кластер құру шеңберінде жүзеге асырылуда. Зауыт жылына 30 мың тоннаға дейін болат құйма өнімін өндіруге қауқарлы. Яғни, мұннан теміржол вагондарына қажетті тірек, табан тартқыш қамыт, осьтік қорап сынды маңызды бөлшектер дайындалмақ. Бұл шет елден алынатын құрылғылардың орнын отандық өнімге алмастыруға мүмкіндік береді.