Атырауда көктемгі су тасқыны салдарынан зардап шеккен республикалық және облыстық маңызы бар жолдарды күтіп ұстау жұмысы жүргізілуде. Бұған асфальттағы шұңқырлар, ескірген жол белгілері, қапталдағы қоршаулардың майысуы, жол жиегінің отыруы себеп болып отыр. Бұл туралы Жол активтері сапасының ұлттық орталығының өкілдері мәлімдеді. Олардың айтуынша, күтіп ұстау жұмысын бақылау үшін жыл басынан бері 23 рет тексеріс ұйымдастырылған. Нәтижесінде, 38 ақау анықталып, 29-ы әлі күнге орындалмапты.
АТЫРАУДА 886,3 ШАҚЫРЫМ ЖОЛДЫ КҮТІП ҰСТАУ ЖҰМЫСЫ ЖҮРГІЗІЛУДЕ
