Caspian News, 28 шілде. Атырау облыстық Сауда және тұтынушылардың құқығын қорғау департаментіне жыл басынан бегі 1477 тұрғын шағымданған. Мамандардың жедел араласуымен 788 тұтынушының мәселесі оң шешіліп, заңды құқықтары қалпына келтірілді. Тағы 419 шағым бойынша кәсіпкерлерге түсіндіру жұмыстары жүргізілді.
Департамент қызметкерлерінің айтуынша, тұрғындар арасында әсіресе алдын ала төлемге (аванс) қатысты шағымдар жиі кездеседі.
👗 Реальный кейс: Алдын ала төленген ақша қалай қайтарылды?
🗣️ Гүлайхан НҰРСҰЛТАНОВА, Атырау облыстық Сауда және тұтынушылардың құқықтарын қорғау департаментінің бас маманы:
«Қызмет көрсетілмесе немесе тауар берілмесе, тұтынушы шартты бұзып, алдын ала төленген соманы қайтаруға толық құқылы. Маусым айында Атырау қаласының тұрғыны мерекелік кешке көйлекті жалға алу үшін аванс төлейді. Бірақ кеш өтпей қалғандықтан, қызмет көрсетілмейді. Кәсіпкер ақшаны қайтарудан бас тартқан соң, тұтынушы біздің департаментке жүгінді. Біз оған кәсіпкерге заңды наразылық хатын (претензия) жолдауды кеңес бердік. Соның арқасында кәсіпкер заң бұзушылықты түсініп, ақшаны толық қайтарып берді».
📝 Алдын ала төленген ақшаны қайтарудың алгоритмі:
Мамандардың айтуынша, авансқа қатысты даулардың 90 пайызы наразылық хат арқылы сотсыз-ақ шешіледі.
-
Наразылық хат жолдау: Тұтынушы кәсіпкерге өз талаптарын жазбаша түрде көрсетіп, наразылық хат (претензия) тапсыруы тиіс.
-
10 күн күту: Кәсіпкер бұл хатқа 10 мерзімді күн ішінде жауап беруге міндетті.
-
Департаментке жүгіну: Егер кәсіпкер 10 күнде жауап бермесе немесе бас тартса, тұтынушы тиісті дәлелдермен (чек, шарт, хат) департаментке шағым түсіре алады.
📊 Статистика сандар мен деректерде:
| 📋 Көрсеткіштер | 🔢 Нақты сандар мен Деректер |
| • Түскен жалпы шағымдар | • 1477 өтініш 📩 |
| • Оң шешілген мәселелер | • 788 тұтынушы ⚖️ |
| • Кәсіпкерлерге түсіндіру | • 419 шағым бойынша 🤝 |
| • Наразылық хатқа жауап беру мерзімі | • 10 күн ішінде 🗓️ |