Биыл әлеуметтік осал топ санатына жататын 60-тан астам азамат квота арқылы еңбекке тартылған. Бұл туралы «Осал топтардағы азаматтарды квота шеңберінде жұмысқа орналастыру» тақырыбында өткен жиын кезінде жұмыспен қамтуды үйлестіру және әлеуметтік бағдарламалар басқармасының бөлім басшысы Гүлболат Аманғалиева мәлімдеді. Басқарма өкілдері ұйымдастырған іс-шарада электрондық енбек биржасы арқылы еңбекпен қамту, мемлекет тарапынан субсидияланатын жұмыс орны жөнінде және жұмыс беруші мекемелерге бөлінген квотаның игерілуі туралы айтылды.