Caspian News, 15 наурыз. Конституциялық комиссияның мүшесі, облыстық мәслихаттың төрағасы Мұса Қарашаұлы Хайруллиев бүгін сайлау учаскесіне отбасымен бірге келіп, өз таңдауын жасады.
Мұса Хайруллиев ел болашағы үшін дауыс беру — әрбір азаматтың қасиетті борышы екенін атап өтті. Ол сайлау учаскесінде берген сұхбатында мемлекеттің дамуы мен қоғамдық келісімнің маңыздылығына тоқталды:
«Біз бүгін елдің ертеңі, ұрпағымыздың болашағы үшін маңызды шешім қабылдап жатырмыз. Әрбір дауыс — мемлекетіміздің іргесін бекемдеп, оң өзгерістерге жол ашатын үлкен күш. Мен бүгін отбасыммен бірге келіп, ел игілігі мен тұрақтылықты таңдадым. Әрбір қазақстандық осындай жауапты сәтте белсенділік танытады деп сенемін», — деді Мұса Хайруллиев.
Айта кетейік, өңірдегі сайлау учаскелерінде дауыс беру процесі жоғары деңгейде ұйымдастырылған. Халықтың белсенділігі байқалады.