Х.Доспанова атындағы Атырау халықаралық әуежайы «Ашық аспан» режиміне қосылды. Бұл әуе компанияларының арасындағы бәсекелестікті арттырып, билет бағасы арзандауы мүмкін. Сондай-ақ әуежай мен өңір экономикасының дамуына айтарлықтай әсер етіп, халықаралық және ішкі рейстер санының артуына септігін тигізеді. Мәселен, Батыс Еуропа, Таяу Шығыс, Азия сияқты маңызды бағыттармен тікелей әуе рейстері ашылуы әбден мүмкін. Сондай-ақ, осы жылы қолданыстағы әуежайдың қасынан жаңа әуежай кешенінің құрылысы басталмақ. Ауданы 16.500 шаршы метр болатын аэровокзал кешені жаңа 3 телескопиялық басқыштармен жабдықталады. Сондай-ақ ұшу-қону аймағын едәуір кеңейту жоспарлануда.
АТЫРАУ ХАЛЫҚАРАЛЫҚ ӘУЕЖАЙЫНДА «АШЫҚ АСПАН» РЕЖИМІ ЕНГІЗІЛДІ
