Атырау, Caspian News.
Атырау облысының әкімі Нұрлан Ноғаев косметологиялық қызметтер көрсетумен айналысатын «Эко клиник» компаниясына алданып қалған тұрғындарды қабылдады. Ұшты-күйлі жоқ боп кеткен «Эко клиниктен» зардап шеккендердің бірі — зейнеткер Талғат Ележанов. Ол жұбайы екеуі аталған компаниядан емдік шаралар алу үшін екінші деңгейлі банктердің бірімен келісім-шартқа отырған. Алайда, енді көрсетілмеген қызмет үшін ай сайын несие төлеп отырған жайы бар.