Қалалық әкімдік облыс орталығын дүңгіршектерден тазартуға кірісті. Бәрін емес, заңсыз жұмыс істеп тұрғанын анықтап, нәтижесінде жетеуі арнайы көлікпен айып тұрағына жеткізілді. Ал төртеуі әу бастан рұқсат етілмеген жерге орналастырылғандықтан, орны ауыстырылды. Сондай-ақ, белгіленбеген жерде сауда жасаған 28 кәсіпкерге хаттама толтырылды. Жергілікті билік әзірге Авангард, Нұрсая және Береке ықшам ауданындағы осындай нысандарды тексеріп жатыр.