Елімізде атом электр станциясын салуға қатысты қоғамдық тыңдау Атырауда да өтті. Оған өңір тұрғындары мен энергетика министрлігінің, жергілікті билік,үкіметтік емес ұйым, саяси партиялардың өкілдері, қоғамдық кеңес мүшелері мен экологтар, «ҚР Ұлттық ядролық орталығының», «Қазақстандық атом электр станциялары» ЖШС-нің, «Ядролық физика институтының» мамандары қатысты. Пікір әдеттегідей екіге жарылды: бірі АЭС салыну керек, тұрақты энергия көзі десе, енді бірі мүлде қарсы болды. Тіпті қатысқандардың тағы бірі атом электр стансасы Атырауда салынады деп түсініп, әңгіме ауанынан ауытқып кетті.
АЭС САЛУҒА ҚАТЫСТЫ ҚОҒАМДЫҚ ТЫҢДАУ АТЫРАУДА ДА ӨТТІ
