Қаладағы № 35-ші Хамит Ерғалиев атындағы мектеп-гимназияда «Денсаулықты нығайту» бағдарламасы бойынша әдістемелік семинар өтті. Оған ұстаздар мен ата-аналар, оқушылар қатысты. Семинар барысында «Дұрыс тамақтану – денсаулық кепілі» деген атаумен жеміс-жидек, көкөніс көрмесі ұйымдастырылды. Бұдан өзге отбасылық дәріхана бұрышы да жасақталып, дәрігерлерлер тарапынан салауатты өмір салтын ұстану бойынша кеңес берілді.
Мұндай семинар бұған дейін 21-ші және 17-ші мектептерде өткізілген болатын. Енді оны жылдың соңына дейін қаланың барлық мектептерінде, ал жаңа жылдан бастап аудандардағы барлық білім беру мекемелерінде өткізу жоспарланып отыр.