Ақтаудағы теңіз жағасында өткен сенбілік ерекше форматта ұйымдастырылды. «Таза Қазақстан» экологиялық акциясы аясындағы еңбек мерекесі кезінде жағаға ағаш үйлер тігіліп, қатысушыларға ыстық шай мен ас-ауқат таратылды. Тұрғындар айналаны тазалап қана қойған жоқ, қолға домбыра алып, күй мен жырдан шашу шашып, жастар жағы ән шырқап, іс-шараның шырайын келтірді. Сенбіліктен сүңгуірлер де қалыс қалмай, Каспий теңізінің түбін қоқыстан тазалады. Олар 10-15 метр тереңдіктен 12 қап қоқыс алып шықты.
АҚТАУЛЫҚТАР ТЕҢІЗДІҢ АСТЫ МЕН ЖАҒАСЫН ТАЗАЛАП, 300 ТОННА ҚОҚЫС ЖИНАДЫ
