«АМӨЗ» ЖШС БАСШЫЛАРЫ ТӨГІЛГЕН МҰНАЙ ӨНІМІНЕ ҚАТЫСТЫ ТҮСІНІК БЕРДІ

Атырау мұнай өңдеу зауытының басшылығы төгілген мұнай өніміне қатысты түсінік берді. Жуықта әлеуметтік желіде зауыт аумағында сұйықтықтың төгіліп, көл болып жатқаны түсірілген видео тараған. Зауыттағылар №33 резервуар паркіндегі тауарлық автобензин компонентін айдау желісінде ақау шыққанын растады. Шамамен 20-30 тоннадай мұнай өнімі төгіліпті. Бірақ сорылып алынып, өңдеуге жіберілген. «Ешқандай шығын жоқ, зауыт штаттық режимде жұмыс істеп жатыр», — дейді «АМӨЗ» ЖШС бас директорының өндіріс жөніндегі орынбасары Нұрлан Ещанов